авторы: Merlan
24 қаңтар, 14:01 жарияланды
Категориясы: Математика
Мұғалімі: Карашулаков Жума Даукенович БҚО Орал қаласы №30ЖОББМ
Пәні, сыныбы: Алгебра және анализ бастамалары, 11 сынып
Сабақтың тақырыбы: Құрамында логарифмі бар өрнектерді түрлендіру, олардың мәнін есептеу.
Сабақтың мақсаты:
Білімділік: Логарифмдік өрнектерді түрлендіруді және олардың мәнін есептеуді үйрету.
Дамыту: Оқушыларға логарифм қасиеттерін түсіндіре отырып, ой өрістерін дамыту.
Тәрбиелік: Өзіндік жұмыстарды жасауға дағдыландыру.
Сабақ түрі: Аралас, жаңа білімді меңгеру.
Күтілетін нәтиже: Сабақты толық меңгерту.
Көрнекі және дидактикалық құралдар: Өзіндік жұмыстарға арналған кестелер
Сабақтың жоспары:
Ұйымдастыру кезеңі.
Үй тапсырмасын сұрау.
Жаңа сабақты қорыту.
Үйге тапсырма.
Сабақтың жүру барысы:
Ұйымдастыру кезеңі.
Үй тапсырмасын тексеру. №337, 340
« Өткенсіз бүгін жоқ » тарихи материалымен танысу кезеңі
Толық нұсқасын жүктеп ал: Сіз біздің серверден файлдарды жүктей алмайсыз
  • 0
 пікірлер: 0
 қаралды: 53
24 қаңтар, 12:01 жарияланды
Категориясы: Ұстаздарға
Ақтөбе облысы
Алға ауданы
Есет батыр ауылы
Есет батыр атындағы мектеп-бақша
Күнзада Байманова Жамиқызы
Бастауыш сынып мұғалімі санаты 1

Сабақтың тақырыбы: Зат есім

Сабақтың мақсаты:
Оқушылардың зат есім туралы түсінік беру. Сөйлем ішінен сұрақ қою арқылы зат есімді дұрыс табуды меңгеру. Тіл байлықтарын, байланыстырып сөйлету. Сауаттылыққа, ұйымшылдыққа, шығармашылыққа тәрбиелеу.
  • 0
 пікірлер: 0
 қаралды: 48
авторы: SauleSabetevna
23 қаңтар, 23:01 жарияланды
Категориясы: Сабақтар қоры
Павлодар облысы, Екібастұз қаласы
№18 ЖОББМ-КММ
Бастауыш сынып мұғалімі:
Байгалиева Сауле Сабетевна

Сабақтың тақырыбы: Көктем келді. Мұзафар Әлімбаев
Сабақтың мақсаты: 1. Барлық тыныс – тіршіліктің бастауы көктемнің ерекшелігін байқату. Сабаққа қызығушылығын арттыру, өлеңді мәнерлеп оқытуға жаттықтыру, әрі ойын жүйелі жинақтап, сөйлеуге үйрету.Сатылай кешенді талдау әдісі
Дамытушылық: Оқушылардың табиғат заңдылықтарын біліп, ондағы үйлесімділікті көре білуге дағдыландыру.
Тәрбиелік: Табиғатты қорғай білуге, құстарға қамқорлық жасауға тәрбиелеу.
  • 0
 пікірлер: 0
 қаралды: 69
23 қаңтар, 18:01 жарияланды
Категориясы: Ұстаздарға
Ақтөбе облысы
Алға ауданы
Есет батыр ауылы
Есет батыр атындағы мектеп-бақша
Бастауыш сынып мұғалімі
Байманова Күнзада Жамиқызы

Сабақтың тақырыбы:Түбір мен қосымша .
Мақсаты:Түбір мен қосымшаның бір-бірінен айырмашылығын аңғарту.
Білімділік: Оқушыларға түбір мен қосымшадан алған білімдерін пысықтап, түбір мен қосымшаны ажырата білуге үйрету.
Дамытушылығы: Оқушылардың ой - өрісін, дүниетанымын кеңейту, сөйлеу шеберліктерін жетілдіру, шығармашылық қабілеттерін дамытып, сауатты жазуға дағдыландыру.
  • 0
 пікірлер: 0
 қаралды: 26
авторы: ayazhan2017
20 қаңтар, 23:01 жарияланды
Батыс Қазақстан облысы,
Бөкей ордасы ауданы, Саралжын ауылы,
Қ.Сағырбаев атындағы жалпы орта
білім беретін мектеп-балабақшасының
қазақ тілі мен әдебиеті пәнінің мұғалімі
Сыдихова Аяжан Жаксыгалиевна



Түсінік хат

Қазіргі таңда мектеп алдындағы ең басты міндет – оқу-тәрбие жұмысында ұлттық игіліктер мен адамзаттың мәдени мұраларының сабақтастығын сақтай отырып оқушылардың дүниетанымы мен шығармашылық қабілетінің қалыптасуына жағдай жасау.
Әдебиет пәнінің жас ұрпақты уақыт талабына сай етіп тәрбиелеу ісіне қосар үлесі үлкен. Оқушы осы пәннің талабын орындау мақсатында түрлі жанрдағы көркем шығармаларды оқиды, ізденеді.
Қазіргі таңда мектеп алдындағы басты міндет-оқу-тәрбие жұмысында ұлттық игіліктер мен адамзаттың мәдени мұраларының сабақтастығын сақтай отырып, оқушылардың дүниетанымы мен шығармашылық қабілетінің қалыптасуына жағдай жасау. Қадыр Мырза- Әлінің шығармаларына талдау жасау жас ұрпақты уақыт талабына тәрбиелеу ісіне қосар үлесі мол.
Жұмыс дәптерінде көрсетілген әдеби шығармалар оқушының ізденісі мен көркем шығармаларды оқуға деген сүйіспеншілігін тудырады. Оқушылардың танымдық қабілеттерін арттыру, шығармашылыққа ұмтылдыру, ойлана, іздене білім алуға, өз ойын дәлелдеп, тиянақтап айтып беруге дағдылану сияқты сапаларды оқушы бойына дарыту – қазіргі ұстаз міндеті.
Қазақ халқының ұлы жазушысы Мұхтар Әуезов: «Әнге әуес, күйге құмар бала жаны сұлу, өмірге ғашық болып өседі» деген екен.
Қадыр -ақын, философ, қазақ поэзиясын жаңа белеске көтерген қаламгер. Оқушылар ақын шығармашылығымен таныса отырып, мазмұнын ұғынады, кейіпкерлер іс-әрекетіне өз көзқарастарымен баға беруге дағдыланады.
Жаңашылдығы: оқушылар білімдерін толықтырады, өз бетінше жұмыс жасай отырып, білімін одан әрі шыңдай түседі.
Өзектілігі: ғылыми-ізденіс жұмыстары мен ой қорытындысы түйін жасай білуге көмектеседі.
Бағдарламаның мақсаты: оқушыларға қазақ халқының ақыны, шебер аудармашы, үлкен мәдениет қайраткері Қадыр өмірі мен шығармашылығы туралы мәлімет беру
Міндеттері:
• оқушы ізденісі,шығармашылық қабілетін, сөздік қорын молайту
• көркем сөйлеу, мәнерлеп оқуға дағдыландыру
• адамгершілікке, ұлтжандылыққа, адалдыққа, намыс пен қайсарлыққа тәрбиелеу
• ғылыми –зерттеу жұмысына баулу, бағыттау
Пән аралық байланыс: Қазақстан тарихы, философия, шешендік өнер
Іс-әрекеттер түрі:
• Шығармашылық іске жұмылдыру;
• АКТ пайдалану;
• Ой қорытындысын шығару;
Үйірме жұмысын өткізу түрлері:
• әдеби сайыстар;
• поэзия кештері;
• қабырға газеттерін шығару;
• көріністер қою;
Күтілетін нәтиже:
1. Оқушылар қазақ халқының ұлы ақыны Қадыр Мырза Әлінің өмірі мен шығармашылығы туралы мол мағлұмат алады;
2. Оқушы ізденісі мен зерттеушілік қабілеті дамиды;
3. Пәнге қызығушылығы мен іскерлік іс-әрекеті қалыптасады;
Мамандыққа бағдарлау: тіл маманы, әдебиетші, журналистика;
Ұйымдастыру формалары: оқулықпен жұмыс, мәнерлеп оқу, топтық жұмыс, зерттеу жұмысы, ізденіс сабақ, жатқа оқу, рөлге бөліп оқу, жаттау, көріністер көрсету

Қадыр Ғинаятұлы Мырзалиев өмірі мен шығармашылығы

«Қадыр, негізінен, ұлттық ақын. Ұлттық ақын, қазақ
халқының ақыны. Оның туған халқының арғы-бергі өмірі,
тіршілігі туралы жазған өлеңдері өте көп. Сол өлеңдерінің
барлығын жинақтап айтсақ, қазақ халқы өмірінің көркемдік
шежіресі, әдебиеттегі образды тарихы деуге болады».
Әбділхамит Нарымбетов

Қадыр Ғинаятұлы Мырзалиев, Қадыр Мырза Әлі (1935 жылы туған) — ақын, Қазақстанның халық жазушысы (1995), ҚР Әнұранының сөзін жазған авторлардың бірі.
Ақын 1935 жылы 5 қазанда Орал облысының Жымпиты кентінде туған. 1958 жылы Қазақ мемлекеттік университетінің филология факультетін тәмамдаған.
Еңбек жолын сол кезде жаңадан ашылған балалар журналы «Балдырғаннан» бастаған. «Жұлдыз» журналы редакциясында поэзия және сын бөлімінің меңгерушісі, жауапты хатшы, бас редактордың орынбасары, 1968-1973 жылдары «Жазушы» баспасында қазақ поэзиясы бөлімінің меңгерушісі, «Балауса» баспасының редакторы, кейін Қазақстан Жазушылар одағында поэзия секциясының кеңесшісі болған.
1966 жылы «Ой орманы» жинағы үшін Қазақстан Ленин комсомолының сыйлығы берілді. 1980 жылы «Жерұйық» жыр кітабы үшін Қазақ КСР Мемлекеттік сыйлығының лауреаты атанды. Ол Қазақстанның халық жазушысы. 2001 жылы Тәуелсіз «Тарлан» сыйлығын алды.
Оның тұңғыш туындысы 1954 жылы республикалық «Пионер» балалар журналында жарияланды. Содан бергі уақыт ішінде оның жетпістен астам поэзиялық, прозалық, сондай-ақ әдеби-сын кітаптары жарық көрді, өлеңдері мектеп оқулықтарына енді. Ал әнге арнап жазылған өлеңдерінің саны екі жүзден асты. Олардың көбі халыққа кең тарады, «Күндер-ай» атты жеке кітап болып басылып шықты. Талантты ақын қаламынан халық фольклорының атақты күлдіргі кейіпкері Алдар көсе жайлы «Сақал саудасы», «Қасқыр қақпан» атты өткір сатиралы комедия мен Махамбеттің ең соңғы азапты күндеріне арналған «Жаралы жолбарыс» атты және «Әмір Темір» кесек драмалық шығармалары да жарық көрді. Тұңғыш жинағы «Көктем» 1959 жылы жарық көрді.
Қадыр Мырза Әлі көркем аударма саласында да жемісті еңбектері көп. Әлемдік әдебиет ғүламаларының талайының шығармаларын ол қазақ тіліне аударады. Ал өзінің біраз топтамалары мен таңдаулы өлеңдері ағылшын, француз, неміс, поляк, болгар, венгер, фин тілдеріне аударылды. Орыс тілінде «Бессонница» (1967), «Белая юрта» (1968), «Соловьиный сад» (1971), «Степные пути» (1975), «Твой дом» (1976), «Верхная струна домбры» (1976), «Ладони» (1984), «Нижная струна домбры» (1985), тағы басқа кітаптары жарық көрсе, өзбек тілінде «Күміс қоңырау» (1975), қырғыз тілінде «Алақан» (1979), әзербайжан тілінде «Бұлбұл бағы» (1980), моңғол тілінде «Шымыр жаңғақ» секілді еңбектері басылды. Сондай-ақ дарынды ақынның оннан аса кітабы бүрынғы КСРО халықтарының көптеген тілдеріне аударылып, Ташкент, Баку, Бішкек, Алматы, Мәскеу қалаларында басылып шықты.
1966 жылы «Ой орманы» өлеңдер жинағы үшін Қадыр Мырза Әліге Қазақстан Ленин комсомолы сыйлығының лауреаты атағы берілді.
1980 жылы «Жерұйық» жыр кітабы үшін ол Қазақ ССР Мемлекеттік сыйлығының лауреаты атанды.
2001 жыл Тәуелсіз «Тарлан» сыйлығына ие болды. 1993 жылы Қадыр Мырза Әлі өлемдік поэзияға қосқан аса зор еңбегі үшін Моңғолияның халықаралық «АВЬЯС» сыйлығын алды.
Қадыр Мырза Әлі Қазақ КСР Жоғарғы Кеңесіне екі рет депутат болып сайланды, Қазақ КСР Жоғарғы Кеңесі Президиумының мүшесі болды.Соңғы жылдары ақынның он алты томдық таңдамалары жарық көрді.
2003 жылы Санкт-Петербургтің «Славия» баспасында «Прапамять» атты үлкен бір томдығы орыс тілінде басылып шықты.
Кітаптары:
«Жаңғалақтар» (1960); «Кішкене қожанасырлар» (1961); «Данышпан» (1961); «Ноян-қоян» (1962); «Алуан палуан» (1963); «Сабақ» (1964)[1].
Жыр жинақтары:
«Ой орманы» (1965); «Дала дидары» (1966); «Ақ отау» (1968); «Домбыра» (1971); «Көш» (1973); «Жерұйық» (1976); «Алақан» (1977); «Қорамсақ» (1980, 1981); «Қызыл кітап» (1983); «Күміс қоңырау» (1970 — 1985); «Мәңгі майдан» (1993); «Биік баспалдақ» (1993); «Үкілі үзінділер» (1996); «Алаштың арманы» (2001); «Жазмыш» (2001); «Еңіреп өткен ерлер-ай» (2001); «Иірім» (2004); «Шырғалаң» (2004); «Алмас жерде қалмас» (2004)[1].
  • 0
 пікірлер: 0
 қаралды: 23
авторы: ayazhan2017
20 қаңтар, 23:01 жарияланды
Батыс Қазақстан облысы
Бөкей Ордасы аудандық білім беру бөлімі
Қ. Сағырбаев атындағы орта жалпы білім беретін мектеп-балабақшасы
Қазақ тілі мен әдебиеті пәнінің мұғалімі Сыдихова Аяжан Жаксыгалиевна




«Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында».
Н. Ә. Назарбаев
Бүгінгі күні мемлекетіміздің өркениетке жету жолындағы өр талабына тұғыр боларлықтай ұрпақ оқыту, тәрбиелеу ісін жаңа сапалық өзгерістер деңгейіне көтеруді талап етіп отыр. Мектеп құрылымында болып жатқан өзгерістер, білім беру мақсаттарының алмасуы, оның дамытушылық сипаттарының бекітілуі, көпнұсқалық оқытуға көшу сияқты мәселелер орындаушылардан шығармашылық бастамалық, жұмыстың жоғары сапасын және кәсібилікті талап етеді.
Шығармашылық — бұл адамның өмір шындығында өзін-өзі тануға ұмтылуы, ізденуі. Өмірде дұрыс жол табу үшін адам дұрыс ой түйіп, өздігінен сапалы, дәлелді шешімдер қабылдай білуге үйренуі қажет. Адам бойындағы қабілеттерін дамытып, олардың өшуіне жол бермеу, оның рухани күшін нығайтып, өмірден өз орнын табуға көмектеседі. Өйткені адам туынды ғана емес жаратушы да.
Бұл үлкен жауапкершілік артатын күрделі мақсат. Оны шешу үшін ең алдымен оқыту мазмұны жаңартылып, әдіс-тәсілдің озығы өмірге келуі, олар әрбір азаматтың жеке басының қасиеттерін, қабілеттерін дамытып, шығармашылығын, талантын ұштайтындай болып ұйымдастырылуы қажет. Сонда ғана мектептерден өз өміріне өзгеріс енгізе алатын, өз бетінше өмір сүру жолдарын таңдай алатын азаматтар тәрбиеленіп шығады.
Сыни тұрғыдан ойлау- Қазақстандағы білім беруді дамыту үшін маңызды болып табылатын қазіргі ең басты педагогикалық түсінік. Қазіргі білім беру жүйесінде оқушыларды сыни тұрғыдан ойлауға немесе қарсы пікір айтуға, баламалы шешімдерді қабылдауға, ойлау және іс- әрекетімізге және жаңа немесе түрлендірілген тәсілдерді енгізуге дайын болуға, ұйымдастырылған қоғамдық әрекеттерге және басқаларды сыни тұрғыдан ойлауға баулу педагогтардың басты мақсаты болып отыр. Сыни тұрғыдан ойлауға үйрету ойлау дағдыларын жетілдіру үшін, белгілі бір жағдаят көлемінде бақылау мен тыңдау арқылы дәлелдер жинастыру және шешім қабылдау үшін талапқа сай өлшемдерді қолдану сияқты дағдыларды қамтуды қарастырады. (Мұғалімге арналған нұсқаулық, 49- бет)
Мектептегі білім беруді ұйымдастыру сабақ процесі болса, сол сабақты түрлендіріп, жаңашылдықпен ұйымдастыра алуы мұғалім шеберлігі екені сөзсіз. Сондықтан мектептегі оқу процесінде сыни ойлауды дамыту бойынша семинардан алған білімдерімді қорытып, үйренген әдіс- әсілдерді пайдаға асыруға тырыстым. Әр түрлі тәсілдерді пайдалана отырып, оқушыларды сыни тұрғыдан оқи білуге үйретіп, қойылған сұрақтарға өмірмен байланыстыра отырып жауап беруге дағдыландыру үшін тізбектелген сабақтарымда сыни ойлау элементтерін пайдаланудамын. 9- сыныпқа оқу бағдарламасына сай өткізген сабақтарымда оқушыларды сыни ойландыра алатындай сабақ жоспарларын құрған болатынмын. Балаларды диалог пен дәйектеуге, талқылауға тарту белсенді жүргізілгенде ғана олардың оқуы тиімдірек және зияткерлік жетістіктері жоғары болатынын дәлелдейтін зерттеулер де көбейе түсуде. Осылайша балаларды ХІХ ғасырда және кейінгі ғасырларда да өмір сүру үшін қажетті дағдылармен және қасиеттермен қаруландыру- мұғалімдер үшін ынталандырушы күш болып табылады. (Мұғалімге арналған нұсқаулық, 51- бет) «Шешендік өнер» деп аталатын сабағымда сыни ойлауға бағытталған сұрақтар дайындадым. Сабақтың кіріспе бөлімінде оқушыларды топқа бөлген соң, топқа бөлу кезінде кездескен кісі есімдері мен нақыл сөздер туралы не білесіңдер? Би- шешендердің халық ауыз әдебиетіндегі алар орны қандай? Топқа бөлу кезіндегі шешендік сөздердің бүгінгі сабақпен байланысы бар ма? Берілген нақыл сөздердің берер тәрбиелік мәні қандай? деген сұрақтарды ортаға тастадым. Бұл сұрақты қоя отырып, оқушыларды сыни ойлауын, өткен сабақ пен бүгінгі тақырыпты байланыстыра алу мүмкіндігін бақыладым. Сұраққа жауап беру кезінде оқушылар өз бетімен жауап берді. Н есімді оқушымның жауабы: Біз қазір халық ауыз әдебиеті тарауын оқып жатқандықтан шешендер мен шешендік сөздер осы тараудың бір тармағы деп білемін. Шешендік сөздер көбіне ақылдылыққа, шешендікке, сыйластыққа тәрбиелейді деп жауап берді. Ал сабақ соңында үй тапсырмасы ретінде және шешендік сөздердің қазіргі кездегі үлгісін құрастырып келуге оқушыларға тапсырма берілді. Қазіргі заманға «Не қымбат?», «Не тәтті?», «Не жақын?» сынды тіркестермен шешендік сөздерді құрастыруда ұтқырлық танытқан оқушылар болды. Мысалы: Г есімді озат оқушы:
Не қымбат?
«Армандаған арман қымбат
Өтіп жатқан уақыт қымбат
Білім берген мектеп қымбат
Өмірдегі бәрінен
Зымыраған ғұмыр қымбат» немесе
Не тәтті?
«Ызылдаған ара үшін бал тәтті
Ыңылдаған бала үшін сүт тәтті
Өмір сүрген адам үшін жан тәтті
Ал мен үшін бәрінен де ана тілім тәтті» деген өлең жолдарын өз жанынан шығарып, оқып берді. Оқушы жұмысы мені таңқалдырды. Себебі ол қоршаған ортаға сыни көқараспен қарау арқылы түрлі құбылыстарды байқап, өлең жолдары арқылы жеткізген. Бұндай тапсырмаларды бұрын оқушыларға беруге дайындамайтын едік, сөйтсек осы проблемалық сұрақтарды ортаға тастасаң, оқушылардың ойлау деңгейі бізден де артып түсетініне көзім жетті. Алдағы сабақ жоспарларымда осы сынды тапсырмаларды көптеп дайындауым керек деп ойладым. Бұндай тапсырмаларды оқушыларға беру арқылы мұғалім де оқушы да сыни ойлауға үйрене алады.
Ал берілген осы тапсырмаларды орындауда қабілеті жетпей, шығармашылық тапсырмаға дайын емес оқушылар да кездесті. Алайда тапсырманы түрлендіріп беріп, төмен дәрежелі оқушылардың да сыни ойлауын дамытуын жолға қою керек деп ойлаймын. Бұл cұрaқтaрды қою мaқcaтым оқyшылaрдың сыни ойлауын дамыту, өздiгiнен iзденy, өз бетінше жұмыc жacay, тығырыққa тiрелгенде өзiндiк шығy жолдaрын қaрacтырy, ой бөлicy, өзiндiк диaлогтaр жacaй отырып cыни тұрғыдaн ойлayғa бaғыттay болaтын. Кейінгі сабақтарымда да сұрақ қоя отырып, оқушы жауаптарын талдап, саралап көрдім. Мысалы: «Мектебіміз үшін бүгінгі күнгі өзекті мәселе қандай?» деген тақырыпта ойталқы жүргізген болатынмын. Топ мүшелері өз арасында қызу талқылау жүргізді және ойларын ортаға салып жатты. Топтар мектеп үшін өзекті мәселе қандай? деген сұраққа қазіргі кездегі мектеп проблемаларын ортаға салды. Сабақ оқу үшін мүмкіндіктердің жоқтығын атап өтті. Мысалы: Б есімді оқушы мектебіміздегі қысты күндері сыныптың температурасының сабақ оқуға мүмкіндік жоқтығын, оқулықтардың жетіспеушілігін, ыстық тамақпен қамтылмауын, пән мұғалімдерінің жетіспеушілігін мектеп проблемасының өзекті мәселелері ретінде қарастырды. Сонымен қатар өзекті мәселелер мен қатар мектебіміз аудан орталығындағы алдыңғы қатардағы мектеп атанып келе жатқандығы қуантарлық жетістік екенін де атап өтті. Оқушылар өз ойларын ортаға салды.
Кейінгі сабағымда айтыс тақырыбымен танысқан болатынбыз. Сондықтан «Сен ақын болсаң, жырлар тақырыбың қандай болмақ?» деген сыни ойлауын дамытуға арналған тапсырма берген болатынмын. Бұл тапсырманы рөлдік ойын ретінде қарастыруға да болатын сияқты. Себебі Б мен Қ. есімді оқушылар айтыс үлгісін көрсетпек болып ортаға шықты. Б есімді оқушы айтыстың сәлемдесуден басталатындығын қатерге алғандығы көңілімнен шықты. Бірақ әрі қарай айтысты өрбіте алмады. Бұл тапсырмаға оқушылар дайын болмай шықты. Бұл тапсырмада жауапкершілік танытпаған оқушылармен бірге оқушыларды сыни ойлатуға үйрете алмағандығым деп түсіндім. Оқушылар айналадағы оқиғалар мен көрініске сыни көзқараспен қарай алмайтындығын ұқтым. Сондықтан әр сабағымды сыни ойлауға бағыттайтын сұрақтар немесе сыни ойлауға дағдыландыратын дайындап келу керектігін түсіндім.
Сыныптағы қарым- қатынасты зерттеуді көздеген еңбектер белгілі бір өзара іс- әрекеттестік үлгілері, зерттеушілік әңгіме, диалогтің мұғалімдер мен оқушыларды мағына мен білімді игерудегі бірлескен іс- әрекетке тартылуымен қатар, жоғары деңгейдегі ойлау қабілеттері өрістеуіне және зияткерлік қырларының дамуына ықпал тигізетіндігін көрсетті. (Мұғалімге арналған нұсқаулық, Александер, 2001-2008 ж) Сыни тұрғыдан оқыту модулінде сонымен қатар талантты және дарынды балаларды оқыту моделін ықпалдастыруға болады деп ойлаймын. Сабақ процесі кезіндегі оқушы мүмкіндіктеріне қарай ұйымдастырылған тапсырмаларды орындату арқылы оқушы деңгейін анықтауға болады деп ойлаймын. Себебі сыни тұрғыдан ойлайтын оқушылар белсенді болады, олар қойылған сұраққа дәлелдеме іздестіреді, дәлелдерді талдайды, мағынаны анықтау үшін саналы түрде стратегиялар қолданады; олар ауызша және жазбаша, көзбен шолу дәлелдеріне сенімсіздікпен қарай отырып, ештеңеге сенбейді, мұндай адамдар жаңашыл идеялар мен келешекке ашық болады.
  • 0
 пікірлер: 0
 қаралды: 24
авторы: ayazhan2017
20 қаңтар, 23:01 жарияланды
Батыс Қазақстан облысы,
Бөкей ордасы ауданы, Саралжын ауылы,
Қ.Сағырбаев атындағы жалпы орта
білім беретін мектеп-балабақшасының
қазақ тілі мен әдебиеті пәнінің мұғалімі
Сыдихова Аяжан Жаксыгалиевна



Сабақтың тақырыбы Қазақ тілі сабағында бағалау әдістерін тиімді пайдалану
Мақсаты Әріптесімнің педагогикалық іс- тәжірибесін жетілдіру мақсатында жаңа идеялармен таныстыру;жаңа форматтағы бағалау түрлерін тәжірибеге енгізуге ықпалдасу: оқушылардың айқындалған критерийлерге сәйкес өз жұмысының сапасы туралы қорытынды жасай білуге қол жеткізуін қамтамасыз ету; өзін- өзі бағалау және өзара бағалау үдерістерінің дамуына ықпал ету;
Күтілетін нәтижелер
Мұғалімдер формативті және жиынтық бағалаудың айырмашылығын біледі; критериалды бағалауды сабақтарында қолдана алады.
Керекті жабдықтар Флипчарт, стикер, түрлі түсті қарандаштар, оқулық.
Пәнаралық байланыс
Сабақ барысы:
Сабақ кезеңдері Уақыты Мұғалім әрекеті Оқушы әрекеті
Кіріспе


10 мин

«Мұғалім не үшін өзгеру керек» көрсетілім
Құрметті әріптестер, міне өздеріңіз көріп отырғандай мұғалім өзгеру керек екен. Ал сіз бен біз өзгеруге әзірміз бе?
Пікір тыңдау.
Олай болса, бүгін мен сіздермен бірге осы мәселені шешуге бір қадам болса да қадам басамын, маған ілесетіндеріңіз болса, қолдарыңызды шапалақтаңыздар.
«Дейін-кейін» әдісі арқылы бағалау туралы білетін мәліметтерін «дейін» бағанына толтырады. Көрсетілген бейне роликтен соң өз ойларын айтады.
Тұсаукесер



5 мин

Ой қозғау: Бағалау дегеніміз не? Сіз оқушының білімін қалай бағалап жүрсіз?
Бағалау- оқу үдерісі мен нәтижелерін жүйелі түрде және сыни талдау, соның негңзңнде ағымдағы және кейінгі оқу үдерісіне қатысты тұжырым жасап, шешім және ұсыным шығаруға бағытталған қызмет.
Жиынтық және қалыптастырушы деген түрлері бар. Өз ойларын айтады?
  • 0
 пікірлер: 0
 қаралды: 24
авторы: ayazhan2017
20 қаңтар, 23:01 жарияланды
Категориясы: Ұстаздарға
Батыс Қазақстан облысы Бөкейорда ауданы
Қ.Сағырбаев атындағы жалпы орта білім беретін
мектеп-балабақшасының психологі
Қуанышева Жангүлім Ермековна




Бұл жаттығу мақсатқа бағытталған тренингі үшін үйлеседі, ол қатысушыларға өз мақсатын ұғынып, оларға жетудің кезеңдерін белгілеп, кедергілерді, ал ең бастысы – мақсатқа жету жолында қолдау беретін көмекшілерді табуға көмектеседі.
Қатысушылар жасы: 14 жастан бастап.
Өткізу шарттары: жаттығу бірін-бірі бұрыннан танитын және белгілі сенімділік деңгейі бар жасөспірімдерге арналған.
Қажетті құралдар: аспапты әні бар магнитофон, қағаз беттері, қалам, фломастер.

1 кезең.
Нұсқау.Әрбіреуіміздің өз мақсатымыз бар.Кейде біз оны ұғынсақ, кейде ұғынбаймыз, бірақ та қандай жағдайда болмасын олар біздің өмірімізге әсер етеді.Қаншалықты біз мақсаттарымызды ұғынып, оларға жетудің кезеңдерін белгілеп, ненің кедергі болып, ненің көмектесетінін жақсы ұғынсақ, тез қалаулы нәтижеге жетеміз.
Жақын арадағы 2 жылда жеткіңіз келетін мақсаттарыңызды қағазға жазыңыз. (10 минут)
Олардың ішінен ең маңыздысын таңдап алыңыз.
Ескерту.Тренингтің мақсатына байланысты мақсатқа жету 1, 2 немесе 10 жылға дейін созылуы мүмкін.

2 кезең.
Нұсқау.Қағазға өз мақсатыңызды жазып,оны бейнелейтін символды салыңыз.Түрлі түсті қарындаш пен фломастерді пайдалануға болады.(5 минут)
Енді сіздің мақсатыңызға бағытталған баспалдақты салыңыз.Оның әрбір баспасында кезеңдер, яғни мақсатқа жетудегі әрекеттер орналасады (10 минут).
Ескерту.Тренингтің мақсатына байланысты сурет салу ұзақ уақыт алуы мүмкін, сондықтан да схемалық суретпен шектелуге болады.Алынған нәтижені жұпта немесе шағын топта талқылауды ұйымдастыруға болады.

3 кезең.
Нұсқау.Біздің әртүрлі сапаларымыз бар, бізді әртүрлі адамдар қоршайды, әртүрлі жағдайлар болып жатады.Егер осы сапалардың кейбіреулері мақсатқа жетуде көмектессе, кейбіреулері, керісінше, кедергі болады.Сонымен қатар кейбір адамдар және жағдайлар мақсатқа жетуде көмектесуі немесе кедергі болуы мүмкін.
Енді суретіңіздің сол жақ бұрышына кедергілер тізімін жазыңыз: ішкі (мінез ерекшеліктері, ойлар, эмоция) және сыртқы (адамдар, жағдайлар).Оң жақ бұрышына көмекшілер тізімін жазыңыз: ішкі (мінез ерекшеліктері, ойлар, эмоция) және сыртқы (адамдар, жағдайлар).

4 кезең.
Жүргізуші өз қалауы бойынша бір адамды тренинг бөлмесінің ортасына шақырады.
Қатысушыға нұсқау.Сіз ұмтылатын мақсатыңызды елестететін қандай да бір затты таңдап, оны кеңістікте өзіңізден алыстау жерге орналастырыңыз.Енді қағазыңыздан үш кедергі мен көмекшілеріңізді оқыңыз.Топ мүшелерінің ішінен әрбір осы сапаларыңызды еске түсіретін қатысушыларды таңдап алыңыз.
Қатысушы өз «кедергілері» мен «көмекшілерін» олардың әсер етуіне байланысты орналастырады.Олар қатысушыға сөзбен және денелік түрде әсер етеді.
Ескерту.Уақытқа байланысты кедергілер мен көмекшілер санын көбейтуге немесе азайтуға болады.



5 кезең.
Қатысушыға нұсқау.Сіз қазір енжарлы рөлде боласыз.Ал сіздің көмекшілеріңіз бен кедергілеріңіз бір уақытта әрекет етіп, әсер ете бастайды.Олар бір уақытта сөзбен де, денелік түрде де әсер ете бастайды.Ендеше, менің белгім бойынша кедергілер мен көмекшілер рөліндегілер қатысушыға әсер ете бастайды: сөзбен айтады, қолынан тартады және т.б.Бұл 1 минут созылады.Белгі бойынша тоқтауы керек.
Бұл әрекеттерден кейін жүргізуші қысқаша қатысушының сезімін сұрайды.

Енді, керісінше, қатысушы белсенді рөлді иеленіп, қозғалып, сапалардың әрекетіне жауап беріп, «тыныш» немесе «қаттырақ» деп айта алады.Бұл 2 минуттай созылады.
Кейін сезімдер талдауы жргізіледі.
Көрініс аяқталғаннан кейін жүргізуші сезімдер шерингін жүргізеді:
- Қандай сапа көбірек кедергі болып, қайсысы көбірек көмектесті?
- Кедергілер мен көмекшілермен бірге мұндай жағдай өмірде қалай көрінеді?
- Көмекшілерге тағы да қандай сапаларды қосуға болады?
- Болашақта көмекші сапаларды қалай қолдануға болады?
- Көрермендер көрініс арқылы өз өмірлік жағдайларымен байланысты нәрселерді көре алды ма?
  • 0
 пікірлер: 0
 қаралды: 17
авторы: zhania
20 қаңтар, 22:01 жарияланды
Категориясы: Сабақтар қоры
Базарбаева Жания
Ақтөбе қаласы
Благодар орта мектебі
Қазақ тілі мен әдебиеті

16.01.2017ж Қазақ тілі 5«Ә»
Сабақ тақырыбы: Кәсіби сөздер мен терминдер
Жалпы мақсат: Кәсіби сөздер мен термин сөздер тақырыбынан алған білімдерін одан әрі тереңдету мақсатында түрлі жұмыстар жүргізу
Сілтеме: 1. «Шың» кітабы
2. 5-сыныпқа арналған Қазақ тілі оқулығы
3. Мұғалімдерге арналған нұсқаулық
  • 0
 пікірлер: 0
 қаралды: 20
авторы: ayazhan2017
20 қаңтар, 19:01 жарияланды
Категориясы: Ұстаздарға
Батыс Қазақстан облысы Бөкейорда ауданы
Қ.Сағырбаев атындағы жалпы орта білім беретін мектеп-балабақшасының психологі Қуанышева Жангүлім Ермековна




Мақсаты: Педагогтардың эмоционалды және көңіл-күйлерін көтеруге, кәсіби жанудың алдын алу, топтасып жұмыс істеу жүйесін әрі қарай дамыту.
Қатысушылар: мұғалімдер
Жұмыс түрі: топтық жұмыс
Көрнекілігі: арнайы слайд, баяу орындалатын әуен.
Жоспары:
Шаттық шеңбері:
Саламатсыздар ма қымбатты ұстаздар! Біздің көбіміз шығармашылық табыстарға жетіп, биіктерден көрінгіміз келеді. бүгінгі сабағымызда мен сіздері демалдырып , бір сәт өзіміздің жан дүниелерімізге үңіліп, «ғажайып» сөзін педагогикалық тұрғыда талдап көрсек деген оймен жинап отырмын.
Ең алдымен қолымыздан ұстап, шаттық шеңберіне тұрайық. Мен сіздермен кездескеніме өте қуаныштымын. Қане, бәріміз бір-біріміздің қолымыздан ұстап шеңбер құрайық. Осы дөңгелек шеңберді неге шаттық, жылулық шеңбері деп атаймыз? Қалай ойлайсыздар? Шеңберге тұрудың үлкен бір қасиеті бар. Шеңберіміз — көктегі жылу беретін күн сияқты дөңгелек. Шеңберге тұрып, бір-бірімізді жақсы көре аламыз, жақсылық пен жылулығымызды сыйлай білуге үйренеміз.Міне, сондықтан бұл шеңберді жылулық, шаттық шеңбері деп атаймыз. Енді бәріміз жақсылық тілеп, шаттана қуанып, күлкімізді сыйлайық.
Шаңырақ құру
Дөңгеленіп тұрайық,
Керегені құрайық,
Уықтар боп иіліп,
Шаңыраққа киіліп,
Киіз үйді құрайық
Ожеговтың сөздігінде «ғажайып» сөзіне анықтама бар — бұл » барлық жақсы қасиеттерді қамтылған, ең жоғарғы қасиет». Енді осы қасиетті өз бойымыздан іздеп көрелік, ғажайып болмаса да, бойымызда таң қаларлық қасиет бар болуы мүмкін. Сабағымызды бастамас бұрын, танысып алайық. Әр қатысушы өз атына өзінің жақсы мінезін айта кетсін
Мұғалімдер өз атына екі-үш сын есімін қосып таныстыру. Мысалы: Айдай сұлу – Айсұлумын, мінезім — ашық, ақжарқынмын.
  • 0
 пікірлер: 0
 қаралды: 16

Сайтқа кіру

Сауалнама

"НҰРЛЫ БІЛІМ" республикалық ұстаздардың сабақтар топтамасының жинағын журнал түрінде шығарған тиімді деп ойлайсыздар ма?

Күнтізбе

«    Ақпан 2017    »
ДсСсСрБсЖмСнЖс
 12345
6789101112
13141516171819
20212223242526
2728 

Кім сайтта

Пікірлер

Copyright © Білімділер порталы & 2015

Жарнама